mm.it.lad

Sunday, November 08, 2009

BEHS 5 Botahtaung

မင်္ဂလာပါ... ဆရာမ...။ ကျေးဇူးတင်ပါတယ်... ဆရာမ...။

မြန်မာနိုင်ငံရဲ့ အခြေခံပညာကျောင်းတွေမှာ ကြားရလေ့ရှိတဲ့... Formality အရ လုပ်တဲ့ အူကြောင်ကြားနိုင်ပြီး ချစ်ဖို့ကောင်းတဲ့ ဓလေ့လေးတစ်ခုပါ။ အူကြောင်ကြားနိုင်တယ်ဆိုတာက ၁၀ တန်းအရွယ်အထိ အဲ့လို ဆွဲဆွဲငင်ငင်နဲ့ မူလတန်းကျောင်းသားကျောင်းသူတွေရဲ့ အသံနေအထားအတိုင်းပဲ ဆိုနေကြခဲ့လို့ပါ။

အခုရက်ပိုင်းဖြစ်နေတဲ့ ဆန္ဒအရတော့ ကိုယ်တက်ခဲ့တဲ့ စာသင်ခန်းထဲမှာ ဝိဋာဉ်တစ်ကောင်လို ဝင်ထိုင်ပြီး ဆရာမစာခေါ်တာကို လိုက်ရေးချင်နေတယ်။ ကျောင်းဆင်းကျောင်းတက်ချိန်တွေဟာ ပျော်ဖို့အရမ်းကောင်းပါတယ်။ တစ်မျိုးဆီ နည်းနည်းသောင်းကျန်းတတ်ကြတဲ့ ကျွန်တော်ရယ်၊ သူငယ်ချင်းတွေရယ်ဟာ ဆရာမတွေရဲ့ ဂရုစိုက်မှုကိုလည်း ရံဖန်ရံခါ လိုတာထက်ပို ရတတ်ကြပါတယ်။ :P

ကျောင်းကပုံလေးတွေ တင်ချင်တယ်။ ကျွန်တော် ၁၁ နှစ်ဖြတ်သန်းခဲ့တဲ့ တိုက်ကျောင်း (မနာလိုသူတွေကတော့ ထောင်ကျောင်းတဲ့။ မနာလိုတာကလည်း ဟိုအပျိုကြီး၊ လူပျိုကြီးကျောင်းတွေပါ။ :D) ဗိုလ်တထောင်(၅)ကို နည်းနည်းလောက် ခံစားကြည့်ပေးပါ။

ဒီပုံကတော့ ကျောင်းကို သတင်းနဲ့ စာနယ်ဇင်းလုပ်ငန်း အဆောက်အဦဘက် လူသွားစင်္ကြန်ကနေ ရိုက်ထားတဲ့ ပုံပါ။ (ကျွန်တော်ရိုက်ထားတာတော့ ဟုတ်ဖူး။)

ဒီပုံရဲ့ အဆုံးက စာသင်ခန်း နံပါတ် (၁၆)။ Level 3 မှာ ရှိတဲ့ ဒီအခန်းကို ရတဲ့ ကျောင်းသားတိုင်းတော့ အရမ်းကြိုက်ကြမယ် ထင်ပါတယ်။ (ကျောင်းသူတွေတော့ မသိ။) မြင်နေရတဲ့ ကော်ရစ်ဒါဟာ ဘယ်ဘက်ကို L Shape ဆက်ထွက်သွားမှ တခြားအခန်းတွေကို ရောက်ပါတယ်။ အခုမြင်နေရတဲ့ ကော်ရစ်ဒါအခြမ်းမှာ အခန်း ၁၆ ရယ်၊ Multimedia Room ရယ်။ မမြင်ရတဲ့ ထောင့်ချိုး ကော်ရစ်ဒါပေါ်မှာတော့ ကျောင်းအုပ်ဆရာကြီး ရုံးခန်းရှိတယ်။ တခြားစာသင်ခန်းတွေက L Shape ရဲ့ အဆုံး အပြင်မှာပါ။ အဲ့ဒီတော့ အခန်း ၁၆ က သီးသန့်လေး ဖြစ်နေတယ်။ ကော်ရစ်ဒါကြီး တစ်ခုလုံးကို ပိုင်သလိုဖြစ်နေတယ်။ ပဉ္စမတန်း၊ ဆဌမတန်း နဲ့ နဝမတန်းတွေကို အဲ့ဒီအတန်းမှာ တက်ခွင့်ရခဲ့တယ်။

Level 2 လှေကားနေရပါ။ မြင်နေရတဲ့ လူသွားလမ်းကျဉ်းလေးက အခန်း ၄ ခန်းမှာ ၂ ခန်းဆီကို ကန့်ထားပါတယ်။ ကျွန်တော်တို့ တက်ခဲ့တာတော့ အဌမတန်းမှာပါ။ A, B, C, D လေးခန်းပေါ့။ လမ်းအတိုင်းသွားရင် ပထမဆုံး ညာဘက်က A။ ဒုတိယအခန်းက B။ ဘက်ဘက် ပထမအခန်း (တံခါးပေါက်မြင်နေရတဲ့ အခန်း)က C။ ဒုတိယအခန်းက D။ ကင်မရာရိုက်နေတဲ့ နေရာရဲ့ ဘယ်ဘက်က ဆရာ၊ ဆရာမများ နားနေခန်းပါ။ (ကျောင်းဆင်းချိန်မှာ ကျောင်းသားလေးတွေ ခုန်ဆွခုန်ဆွ လုပ်နေတာ ရိုက်ခွင့်ရလိုက်ပါတယ်။)

ဒါကတော့ Level 1။ ဟောခန်း။ ညာဘက်အပေါ်မှာတွေ့ရတာ ဘုရားစင်ပါ။ ဘုရားစင်ရဲ့ ဘေးက နံရံအဖြူနဲ့ အခန်းကျဉ်းလေးက ဆရာကြီးရုံးခန်းပါ။ (ဒီဟာက Primary ရုံးခန်း ထင်ပါတယ်။ အခန်း ၁၆ ရဲ့ ဘေးမှာလည်း ရိပ်ခနဲ ရိပ်ခနဲတော့ တခါတလေ တွေ့တတ်တယ်။) ကျောင်းလာကြိုနေတဲ့ မိဘတွေကို တံခါးဝမှာ တွေ့နိုင်ပါတယ်။

ဒီဓာတ်ပုံတွေရိုက်ခွင့်ပေးခဲ့တဲ့ ဆရာမ ဒေါ်သန်းသန်းငြိမ်းကို ကျေးဇူးတင်ပါတယ်။ ကျွန်တော်က မိုးအေးနေလို့ အပေါ်က ကုတ်အင်္ကျီဝတ်ပြီး ကုတ်ကုတ်ကုတ်ကုတ်နဲ့ ကျောင်းထဲဝင်တော့ ၄၅ လမ်းဘက်အခြမ်း တံခါးဝစောင့်နေတဲ့ ဆရာမက ကျွန်တော့်ကို မသင်္ကာလို့ တားပြီး မေးပါတယ်။ ကျွန်တော်လည်း ကျောင်းသားဟောင်းဖြစ်ကြောင်း ပြောပါတယ်။ ဆရာမက ကျောင်းဆင်းတော့မှာ ဖြစ်ကြောင်း၊ ဆရာကြီး မမြင်စေလိုကြောင်း ပြောပါတယ်။ ကျွန်တော် နည်းနည်းတော့ ဝမ်းနည်းသွားပါတယ်။ ရှိပါစေတော့။ လုပ်ချင်တာတော့ လုပ်ခွင့်ရခဲ့ပါတယ်။ :D

Sunday, August 23, 2009

Yar Zar Lin Scholarship

ဆုံးသွားတဲ့ ကျွန်တော့် သူငယ်ချင်းနာမည်နဲ့ သူ့မိဘတွေ လုပ်ပေးတဲ့ ပညာသင်ဆုပါ။ စာဖတ်ချင်ရင် ညာဖက်အပေါ်က Toggle Full Screen လေး နှိပ်ပြီး ဖတ်ပါ။
Yar Zar Lin Scholarship

Monday, July 27, 2009

Thanlwin Ainmat Ezine Volume 3 Issue 3 released

ဆင်းရဲမွဲတေမှုအကြောင်း ဦးစားပေးဖော်ပြထားတဲ့ သံလွင်အိပ်မက် အတွဲ (၃) အမှတ် (၃) ထွက်ပြီ ဖြစ်ပါကြောင်း။
ဒီနေရာမှာ ဖတ်ရှုနိုင်ပါတယ်။

ရင်ခုန်သံ (၃) မျိုး

ဆေးပညာအရ ရင်ခုန်သံ (၃) မျိုး ရှိတယ်လို့ မှတ်သားရဖူးပါတယ်။

Regular: ပုံမှန် နှလုံးခုန်သံပါ။ ဒုတ်ဒုတ်… ဒုတ်ဒုတ် ပေါ့။

Regularly Irregular: ပုံမှန်ခုန်နေတာ မဟုတ်ပေမယ့် စည်းချက်တော့ ကျနေပါတယ်။ ဥပမာ။ ။ ဒုတ်ဒုတ်ဒုတ်… ဒုတ်ဒုတ်ဒုတ် ဆိုတာမျိုး ဖြစ်ပါလိမ့်မယ်။

Irregularly Irregular: ပုံမှန်မဟုတ် စည်းချက် မကျနဲ့ ဖြစ်ချင်တိုင်း ဖြစ်နေတဲ့ နှလုံးခုန်သံပါ။ ဥပမာ မပေးတော့ပါဘူး။

Irregularly Regular ဆိုတာတော့ မရှိဘူးလို့ မှတ်သားဖူးပါတယ်။

လူ နဲ့ ပြဿနာ

လူတွေ တစ်ယောက် နဲ့ တစ်ယောက် (တစ်ဖွဲ့ နဲ့ တစ်ဖွဲ့) အဆင်မပြေဖြစ်ပြီဆိုရင် အကြောင်းရင်း နှစ်ခုကြောင့် ဖြစ်နိုင်ပါတယ်။

အချက်အလက်ပေါ်မှာ ကွဲလွဲခြင်း (Fact)
ဒါက ရှင်းပါတယ်… နေသည် အရှေ့အရပ်ကထွက်သည်ဆိုတာကို ငြင်းတာမျိုးပေါ့။ Jury အဖွဲ့က ဖြစ်စေ၊ တတ်ကျွမ်းသူတစ်ယောက်ကဖြစ်စေ၊ လူအများက ဖြစ်စေ ရှင်းပြရင် ကိစ္စပြတ်ပါတယ်။

ခံယူချက်ပေါ်မှာ ကွဲလွဲခြင်း (Perception)
ဒါကတော့ ပိုလည်းလေးနက်ပြီး ပိုလည်း အန္တရာယ်ကြီးတဲ့ အမျိုးအစားပါ။ အခြေအနေတစ်ခုကိုပဲ သုံးသပ်တဲ့ ရှုထောင့်ကွာတဲ့အခါမှာ ထိပ်တိုက်ရင်ဆိုင်ရတဲ့ အနေအထား။ ပိုအန္တရာယ်ကြီးတယ်ဆိုတာက ကိုယ်လက်ခံထားတဲ့ အမှန်တရား (perceived truth) ကို ပွန်းပဲ့မခံနိုင်တဲ့ လူတွေရဲ့ မာနကြောင့် ပြဿနာကို ပြေလည်ဖို့ အလှမ်းဝေးနေတတ်ပါတယ်။ ပြေလည်အောင် ယတိပြတ်ဆုံးဖြတ်ဖို့ ဘယ်ဘက်ကမှလည်း သက်သေအလုံအလောက် မပြနိုင်လို့ နှစ်ယောက်လုံး သဘောထားမပြည့်ဝနိုင်သရွေ့ အခြေအနေက ဆိုးသထက်ဆိုးရုံပဲ ရှိပါတော့မယ်။

Sunday, July 19, 2009

Martyrs' Day | အာဇာနည်နေ့

ကျွန်တော် မနှစ်က ရိုက်ခဲ့တဲ့ ဗိုလ်ချုပ် အလ်ဘမ် လေးပါ။

Wednesday, June 17, 2009

V for Vendetta | ကလဲ့စား

In view, a humble vaudevillian veteran cast vicariously as both victim and villain by the vicissitudes of fate. This visage, no mere veneer of vanity is a vestige of the vox populi, now vacant, vanished. However, this valorous visitation of a bygone vexation stands vivified and has vowed to vanquish these venal and virulent vermin vanguarding vice and vouchsafing the violently vicious and voracious violation of volition. The only verdict is vengeance, a vendetta held as a votive not in vain, for the value and veracity of such shall one day vindicate the vigilant and the virtuous. Verily, this vichyssoise of verbiage veers most verbose.

Photo: IMDB- V for Vendetta

"ကံကြမ္မာရဲ့ စိတ်မချမ်းမြေ့ဖွယ် အလှည့်အပြောင်းတွေက ရိုးသားနှိမ့်ချနေတတ်တဲ့ ဝါရင့် ပြဇာတ်မင်းသားကြီးတစ်ယောက်ကို သားကောင်အနေနဲ့ရော မုဆိုးအနေနဲ့ပါ မျက်နှာလွှဲခဲပစ် ပုံသွင်းခဲ့လေရဲ့။ ငါ့ရဲ့ ဒီရုပ်သွင်ဟာ ငါ့အတွက်တော့ ဘာမှ ဝင့်ဝါစရာမရှိတဲ့ အပေါ်ယံလွှာတစ်ခု။ ဒါပေမယ့် အခုတော့ တိတ်ဆိတ်ခန်းခြောက်နေပြီ ဖြစ်တဲ့ လူတွေရဲ့ ရင်ထဲကအော်သံတွေရဲ့ နောက်ဆုံးအကြွင်းအကျန် တစ်ခုပေါ့။ ကာလရှည်ကြာ စိတ်ညစ်ညူးခဲ့ရမှုတွေအပြီး အခုလို သတ္တိရှိရှိ ပေါ်ထွက်လာမှုဟာ ပိုပြီး သက်ဝင်ပြင်းထန်လာလိမ့်မယ်။ ကိုယ့် စီရင်ပိုင်ခွင့်ကို အလွန်အမင်း ရက်ရက်စက်စက်၊ လောဘတကြီး ချိုးဖောက်နေကြတဲ့၊ ရာဇဝတ်မှုတွေ ကျူးလွန်နေကြတဲ့ ဒီ လူယုတ်မာတွေနဲ့ သောင်းကျန်းလွန်းတဲ့ ဒီကြွက်တွေကို အပြီးသတ်ခြေမှုန်းဖို့လည်း ငါ သစ္စာဆိုတယ်။ တစ်ခုတည်းသော စီရင်ချက်ကတော့ လက်တုန့်ပြန်မှုတစ်ခုပေါ့။ သစ္စာတရားရဲ့ တန်ဖိုးအတွက် အချည်းအနှီးမဖြစ်မယ့် ဒီ ကလဲ့စားဟာ တစ်နေ့မှာတော့ နိုးကြားဖျတ်လတ်သူတွေနဲ့ ဖြောင့်မှန်သူတွေအတွက်တော့ ကိုယ့်ရဲ့ လုပ်ရပ်တွေမှန်ကြောင်း သက်သေထွက်ဆိုပေးလိမ့်မယ်။ လေးလေးနက်နက်ပြောရရင်တော့ ငါအခုပြောတဲ့ နားလည်ရခက်တဲ့စကားတွေဟာ လိုတာထက်ပိုပြီး ရှုပ်ထွေးနေပါပြီ။"

စကားလုံးတချို့ရဲ့ အဓိပ္ပါယ်ကို ကျွန်တော်သုံးတဲ့ Dictionary မှာတောင် မတွေ့ဘူး။ Online မှာရှာရတယ်။ ပြီးတော့ ဆရာသမားက စာစကားလိုတွေ ပြောနေတော့ ဘာသာပြန်ရတာ အတော်ထောက်တယ်။

Monday, May 04, 2009

Classrooms for Uganda | လူသားချင်း စာနာမှု ဗိသုကာ

အာဖရိကတိုက်၊ ယူဂန်ဒါနိုင်ငံက ကလေးငယ်တွေအတွက် စာသင်ခန်းတွေ လိုအပ်နေပါတယ်။ အဲ့ဒီ စာသင်ခန်းတွေ ဆောက်ဖို့ ဒီဇိုင်းကို ပြိုင်ပွဲတစ်ခု ကျင်းပပြီးလည်း တောင်းခံနေပါတယ်။ အဲ့ဒီ ပြိုင်ပွဲကို Singapore Polytechnic က ကျွန်တော့် သူငယ်ချင်းမ မွန်သီဟန်က ဝင်ပြိုင်ဖို့ ကြိုးစားနေပါတယ်။ အဲဒီ့ Design အတွက် ကျွန်တော်တို့ အားလုံးရဲ့ ဝေဖန်အကြံပြုချက်တွေ လိုနေတယ်လို့လည်း ကျွန်တော့်ကို ပြောပါတယ်။ စာသင်ခန်းကောင်းတစ်ခုမှ ရှိသင့်ရှိအပ်တဲ့ လိုအပ်ချက်လေးတွေကို ကျွန်တော်တို့ ဝေဖန်ထောက်ပြပြီး အာဖရိကကလေးငယ်တွေ အတွက် တစ်ဖက်တစ်လမ်းက ကူညီကြရအောင်…

သူ့ရဲ့ Blog Post လေးကို တစ်ချက် ဖတ်ကြည့်ပေးပါ။ သူ့ကိုယ်စား ကျေးဇူးတင်ပါကြောင်း။

Wednesday, April 29, 2009

Stereotype Thinking

ဟိုတလောက မြန်မာဗွီဒီယိုတစ်ခု ကြည့်ဖြစ်တယ်။ အဲ့ဒီမှာ မင်းသားက “ရုပ်ရှင်ထဲက အဆိုတော်” ရဲ့ ဆွဲကြိုးကို သူ့ကောင်မလေးက ပူဆာလို့ ရအောင် ဆောင်ကြဉ်းပေးဖို့ ကြိုးစားတဲ့ အခန်း။…

သူက အဲဒီ့ အဆိုတော် လာမယ့်လမ်းမှာ ဆွဲကြိုးပစ်ချ၊ နောက်တော့ သူပဲ ကောက်ရတဲ့ ပုံစံလုပ်။ နှစ်ယောက်အတူတွေ့တာမို့… တစ်ယောက်တစ်ဝက် ခွဲမယ်ပြော။ ကောက်ရတဲ့ဆွဲကြိုးကို အဆိုတော်ကို ပေးပြီး… အဆိုတော်ရဲ့ ဆွဲကြိုးကို တစ်ဝက်တန်ဖိုးအဖြစ်နဲ့ တောင်းဖို့ ကြံစည်တယ်ပေါ့…။

အဲ့ဒီမှာ အဆိုတော်ပြန်ပြောတဲ့ စကားက အတော်လေး စိတ်ဝင်စားဖို့ ကောင်းပါတယ်။ သူပြောတာက-

“ဒါမျိုး လိမ်ပုံလိမ်နည်း ရိုးနေပြီ။ ခင်ဗျားလုပ်ချင်ရင် တောမှာသွားလုပ်…”။ မှန်ပါတယ်။ ကျွန်တော်တို့ လူငယ်တွေ ပြောလေ့ပြောထ ရှိတဲ့စကားမျိုးပါ။ ဒါပေမယ့် မြို့လေးတွေ၊ ကျေးလက်တွေမှာ နေသူတွေကို Steretype Thinking လုပ်သလို ဖြစ်နေတယ်လို့ ခံစားရပါတယ်။ Discrimination တစ်ခုလိုမျိုး ဖြစ်နေတယ်။ တကယ်သာ အဲ့ဒီယူဆချက် မှန်တယ်ဆိုရင်… အမြင်ကျဉ်းမြောင်းမှု တစ်ခုဖြစ်သွားပါပြီ။ (ပြောစကားအပေါ်မှာ သုံးသပ်နေတာပါ။ ဘယ်သူ့ကိုမှ personally ဝေဖန်နေတာ မဟုတ်ပါဘူး။)

ကိန်းဂဏန်းတွေ၊ အချက်အလက်တွေနဲ့ ပြောစကားတစ်ခုကို ယုတ္တိဗေဒအရ မှန်ကြောင်း သက်သေပြလို့ ရတယ်။ ဒါပေမယ့် မှန်တဲ့ စကားတိုင်း ပြောဖို့ သင့်တာ မဟုတ်လို့… ကျွန်တော်တို့ သေသေချာချာ တွေးဖို့လိုမယ်လို့ ထင်မိပါကြောင်း…။

လေးစားခြင်းဖြင့်-
mgthantzin