လူကဲခတ်ပညာ အခြေခံ ခုနစ်ချက် from "What They Don't Teach You At Havard Business School"

(၁) လေးလေးနက်နက် နားထောင်ပါ။
တစ်ဘက်လူ “ဘာကို” ပြောနေတာလဲ ဆိုတာကိုသာမက “ဘယ်လို” ပြောနေတာလဲ ဆိုတာကိုပါ နားထောင်ပါ။ လူတွေဟာ သူတို့ ပြောသင့်တာထက် ပိုပြီး ပြောတတ်ကြပါတယ်။

တဘက်သား ပြောနေတဲ့အခါ ကိုယ်က မသိမသာ မရိုးမရွ ဖြစ်နေဟန်နဲ့ ငြိမ်ပြီး နားထောင်ပါ၊ သူက ပြောသင့်တာထက် ပိုပြီး အများကြီး ပြောလာပါလိမ့်မယ်။

(၂) လေးလေးနက်နက် လေ့လာပါ။
ဟောပြောပွဲတွေ၊ ဆွေးနွေးပွဲတွေမှာ တချို့က အကြောင်းအမျိုးမျိုးကြောင့် စိတ်လှုပ်ရှားပြီး ခြေတုန်လက်တုန် ဖြစ်နေတတ်ကြတယ်။

တချို့ကျတော့လဲ မေးခွန်းတစ်ခု မေးလိုက်တာနဲ့ မျက်နှာပျက်သွားတာမျိုး၊ အမူအရာ ပြောင်းသွားတာမျိုးတွေ ရှိတယ်။

သူ့စကား၊ သူ့ဟန်ပန်နဲ့ သူ့အ၀တ်အစားကို ကြည့်ပြီး သူ့စိတ်နေသဘောထားကို အကဲခတ်နိုင်ပါတယ်။

(၃) နည်းနည်းပြောပါ။
တစ်ဘက်သားပြောတာကို များများနားထောင်ပြီး ကိုယ်က နည်းနည်းသာပြောရင် များများမြင်ရမယ်၊ များများကြားရမယ်၊ များများသိရမယ်၊ ကိုယ့်ဘက်က အမှားနည်းမယ်။

ဒါပေမယ့် အခြေအနေအရ လိုအပ်လို့ ကိုယ်က မေးခွန်းထုတ်တဲ့အခါမှာ ကိုယ့်ဟာကိုယ် ပြန်ဖြေတဲ့ မေးခွန်းမျိုးတော့ မဖြစ်ပါစေနဲ့။

(၄) ပြန်ပြီး သုံးသပ်ပါ။
ကိုယ့်ရဲ့ ပထမဆုံး အထင်အမြင်ကို အဓိကထားပါ။ ဒါပေမယ့် သေသေချာချာ ပြန်လည် သုံးသပ်ပြီးမှ လက်ခံပါ။ တစ်ဘက်သားအပေါ် ပထမဆုံး အထင်အမြင်နဲ့ နောက်ဆုံး ခံယူမှုအကြားမှာ စဉ်းစားတွေးခေါ်မှုပြုပြီးမှ ဆက်ဆံရေး တစ်ခုရဲ့ အခြေအနေမှန်ကို ရနိုင်ပါတယ်။

(၅) အချိန်ယူပါ။
တစ်ယောက်ယောက်နဲ့ သွားတွေ့ရတော့မယ်၊ ဒါမှမဟုတ် ဖုန်းဆက်ရတော့မယ်ဆိုရင် နည်းနည်း အချိန်ယူပြီး စဉ်းစားပါဦး။

ကိုယ်က တစ်ဘက်သားအကြောင်း ဘယ်လောက်သိထားသလဲ၊ သူ့ဆီက ဘယ်လိုတုံ့ပြန်မှုမျိုး လိုချင်သလဲ။

အဲ့ဒီလို တစ်ဘက်သားအကြောင်း သိသင့်တာတွေကို ကြိုတင်သိထားမှသာ ကိုယ့်ဘက်က ဘာပြောရမယ်၊ ဘာလုပ်ရမယ်ဆိုတာကို သိမယ်၊ ဒါမှ တစ်ဘက်သားဆီက ကိုယ်လိုချင်တာကို ရနိုင်မယ်။

(၆) ချင့်ချိန်တတ်ပါစေ။
လူကဲခတ်ရာမှာ ချင့်ချိန်တတ်ဖို့ အရေးကြီးပါတယ်။ တစ်ဘက်သားအကြောင်းနဲ့ ပတ်သက်ပြီး ကိုယ်လေ့လာ သိရှိထားတာတွေကို အခြေအနေ အချိန်အခါနဲ့ လျော်ညီစွာ အသုံးချတတ်ဖို့ လိုပါတယ်။

တစ်ဘက်သားအကြောင်း ကိုယ်သိတာတွေ၊ သူ့ရဲ့ ချို့ယွင်းချက်တွေကို သူ့ကို မပြောပြပါနဲ့။ အဲဒီလို ပြောလိုက်ရင် ကိုယ်သိထားတာတွေကို အကျိုးရှိရှိ အသုံးချဖို့ အခွင့်အရေး ဆုံးရှုံးသွားတတ်တယ်။

ကိုယ့်အကြောင်း သူ မသိလေလေ ကိုယ်သိတာတွေကို အသုံးချနိုင်လေလေပဲ။ အကောင်းဆုံးကတော့ ကိုယ့်ရဲ့ လုပ်ဆောင်ချက်တွေ၊ အောင်မြင်မှုတွေ၊ အရည်အချင်းတွေကို တစ်ဘက်သား သိအောင် လုပ်ဖို့ပဲ။ ဒါပေမယ့် ကိုယ်တိုင်မပြောပြပါနဲ့။ တခြားလူတွေဆီက တစ်ဆင့်သာ တစ်ဘက်သား သိပါစေ။

(၇) တန်ပြန်ခြင်းကို ရှောင်ပါ။
စီးပွားရေးလုပ်ငန်း အခြေအနေ တစ်ရပ်မှာ တင်းမာမှုရှိနေရင် ထိပ်တိုက်မရင်ဆိုင်ပါနဲ့။ ကိုယ်က နောက်ဆုတ်ပေးပါ။ အဲဒီလိုဆိုရင် ကိုယ့်ရဲ့ လေ့လာမှုစွမ်းရည် ပိုပြီး ထက်မြက်လာလိမ့်မယ်။ တစ်ဘက်လူက တင်းမာနေရင် အဲ့ဒါဟာ ကိုယ့်အတွက် အခွင့်အရေးပဲ။ အဲဒီအချိန်ဟာ သူ့ကိုယ်သူ အများဆုံး ရင်ဖွင့်တတ်တဲ့ အချိန်ပဲ။

သူ တင်းသလို ကိုယ်က ပြန်တင်းမယ်ဆိုရင် ကိုယ်ဟာ ခံယူသူ၊ လေ့လာသူ မဖြစ်တော့ပဲ တရားခံဖြစ်သွားလိမ့်မယ်၊ ကိုယ့်အကြောင်းတွေ အများကြီး ရင်ဖွင့်မိလိမ့်မယ်။

ကိုယ်က တန်ပြန်ခြင်းမပြုရင် ကိုယ့်ဘက်က ဘယ်တော့မှ လွန်ကျူးမှု မဖြစ်နိုင်တော့ဘူး။ ပြီးတော့ “အထိန်းခံရသူ” လဲ မဖြစ်တော့ဘဲ “ထိန်းသူ” သာ ဖြစ်လာလိမ့်မယ်။

--------------
ဒီ Post က ဖတ်ရတာ ပျင်းဖို့ ကောင်းနေရင် ကောင်းနေပါလိမ့်မယ်။ တချို့ကလည်း ပြောပါလိမ့်မယ်။ “လူကဲမခတ်တတ်ပါဘူး။” “သူများကိစ္စ စိတ်မ၀င်စားဘူး။” စသဖြင့်ပေါ့။ ကဲ… တစ်ခုလောက်မေးပါရစေ…။ စနစ်တကျလေ့ကျင့်ထားတဲ့ သူတစ်ယောက်က အပေါ်မှာပြောထားသလို ကိုယ့်ကို တစ်ဘက်သက်ကြီး အကဲခတ်နေမယ်ဆိုရင်… ကျွန်တော်တို့ အဆင်သင့်ဖြစ်နေရဲ့လား။

ဒီအချက်တွေကို Mark H. McCormack ရေးပြီး ဆရာ မောင်ပေါ်ထွန်း ဘာသာပြန်တဲ့ “ဟားဗတ် စီးပွားရေး တက္ကသိုလ်မှာ မသင်ခဲ့ရမျှ” ဆိုတဲ့ စာအုပ်ကနေ ကူးယူဖော်ပြပါတယ်။