စင်္ကာပူရဲ (၂)

နံပါတ် ၂ တောင်ဖြစ်သွားပြီ။ အဟဲ။ (ကျွန်တော် အရင်ကလည်း စင်္ကာပူရဲ ဆိုပြီး တစ်ခေါက် ရေးဖြစ်ပါသေးတယ်။)

ဒီတစ်ခေါက်ကတော့ နည်းနည်းပိုဆန်းတယ်။ အဲ့ဒီတုန်းက ညဖက်ကြီးပါ။ မိုးတောင် တော်တော်ချုပ်နေပြီ။ ကျွန်တော့် သူငယ်ချင်း အထီးတစ်ယောက်၊ အစ်မတစ်ယောက်ရယ်၊ ကျွန်တော်ရယ် ပန်းခြံတစ်ခုထဲ ထိုင်ပြီး စကားတွေ ပြောနေကြတာ။ ပန်းခြံက လူနည်းနည်း ပြတ်တယ်။

နည်းနည်းလေး ကြာတော့… ကျွန်တော့်တို့နားကို အရပ်ဝတ်နဲ့ မိန်းမတစ်ယောက်ရယ်၊ ယောက်ျား သုံးယောက်လောက်ရယ် ရောက်လာပြီး သူတို့ ရဲတွေပါတဲ့။ Routine Check ပါ ဆိုပြီး ကျွန်တော်တို့ကို ဘယ်သူလဲ၊ ဘယ်ကလဲ မေးပါတယ်။

ကျွန်တော်တို့ လွယ်အိတ်တွေကို အရင် စစ်ပါတယ်။ နောက်.. ကျွန်တော်တို့ ဖုန်းတွေကို ထုတ်ခိုင်းပါတယ်။ ပြီးတော့ ဘယ်တုန်းက ဘယ်မှာဝယ်တာလဲ တဲ့။ ကျွန်တော်တို့လည်း ကြောင်တောင်တောင် ဖြစ်တာပေါ့။ ဒါပေမယ့် ခပ်တည်တည်ကြီးတွေနဲ့ စစ်မေးနေတာဆိုတော့ ကိုယ်လည်း အကျိုးသင့် အကြောင်းသင့် ပြန်ဖြေရတာပေါ့။

ကျွန်တော်လည်း ကျွန်တော့်ဖုန်းက ပြီးခဲ့တဲ့နှစ်က Plaza Singapura မှာ ဝယ်ထားတာပါပေါ့။ သူငယ်ချင်း နှစ်ယောက်ကလည်း ဖြေကြပါတယ်။ နောက်တော့ ကျွန်တော်တို့ ဖုန်းတွေရဲ့ Serial Number (IMEI) တွေကို ရေးမှတ်သွားပါတယ်။ ကျွန်တော်တို့ကို ဘယ်မှ မသွားခိုင်းသေးပဲ သူတို့ ခပ်လှမ်းလှမ်းမှာ Database နဲ့ ပြန်သွား Check ပုံရတယ်။

သူတို့ ထဲမှာ အမျိုးသမီးလုပ်တဲ့သူက ရာထူးကြီးပုံရတယ်။ သူလုပ်စရာရှိတာပဲ လုပ်နေတယ်။ နောက်ရဲတစ်ယောက်ကတော့ ကျွန်တော်တို့ ကျောင်းပြီးခါစတွေ မှန်းလဲသိနေတော့… “ဟာ အခု လုပ်နေတဲ့ ကွန်ပျူတာ ပြပွဲ မသွားကြဘူးလား” ဆိုတော့ ကျွန်တော်လည်း “ဘာမှ သိပ်စိတ်ဝင်စားစရာ မရှိဘူး လို့ ပြောနေကြလို့ မသွားဖြစ်တာပါ” ဆိုပြီး ပြန်ဖြေ…

ဖြေတော့ ဆရာသမားက “အေး.. External Harddisk တွေတော့ ဈေးချနေတယ်။ သွားကြည့်ကြပေါ့” တဲ့။ လူလိုသူလိုပဲ စကားပြောပါတယ်။

နောက်တော့မှ ဟိုအမျိုးသမီးက ရှင်းပြပါတယ်။ ဖုန်းခိုးတဲ့လူတွေ၊ သူခိုးလက်ခံဝယ်နေတဲ့ သူတွေအတွက် ပုံမှန် Routine Check ပါတဲ့။ ကိုယ့်ကို (မသင်္ကာလို့ပဲ ဖြစ်ပါစေ) Check ခံရတာ ဘယ်လိုမှ စိတ်ထဲ မခံစားရဘူး။

နောက်ပြီး “နင်တို့တွေ မိုးဒီလောက်ချုပ်နေပြီ။ ဘာလုပ်နေတာလဲ။ အိမ်ပြန်” ဆိုတာမျိုး လုံးဝ မပြောပါဘူး။ ကျွန်တော်တို့အနေနဲ့ ၂၄ နာရီ ဖွင့်တဲ့ Park တစ်ခုမှာ ဘာဥပဒေနဲ့မှ မညှိစွန်းရင် နေခွင့်ရှိနေတာကို သူတို့ဘက်က လက်ခံပါတယ်။ ဒါ့အပြင် သူတို့ကိုယ်တိုင် ၂၄ နာရီ ကျွန်တော်တို့ရဲ့ လုံခြုံရေးကို တာဝန်ယူထားပေးသေးတယ်။

ကောင်းပါတယ်။ Singapore က အတော့်ကို တရားဥပဒေစိုးမိုးတာတော့ အမှန်ပါပဲ။